कृपया बैंकका सेवासम्बन्धी बारम्बार सोधिने प्रश्नहरू र समाधानहरूको सूची हेर्नुहोस्। यदि तपाईंको जिज्ञासा वा समस्या यस बारम्बार सोधिने प्रश्नहरू मा समावेश छैन भने, कृपया GlobalConnect मार्फत सम्पर्क गर्नुहोस्।

मर्जरपछि मेरो खाता नम्बर परिवर्तन हुन्छ?
हो, मर्जरपछि तपाईंको खाता नम्बर परिवर्तन हुनेछ।

नयाँ खाता नम्बर नजानीकन म कसरी कारोबार गर्न सक्छु?
तपाईंले आफ्नो बैंक अफ काठमाडौं को खाता नम्बर प्रयोग गरेर नै कारोबार गर्न सक्नुहुन्छ। तर यदि तपाई नयाँ खाता नम्बर जान्न चाहनुहुन्छ भने, कृपया नजिकको शाखामा सम्पर्क गर्नुहोस्।

के मैले चेक बुक परिवर्तन गर्नुपर्ने हुन्छ??
तपाईले बैंक अफ काठमाडौंबाट जारी गरिएको चेकबुकबाट नै कारोबार गर्न सक्नुहुन्छ तर चेक बुक सकिएको खण्डमा, हजुरलाई ग्लोबल आईएमई बैंकले नयाँ खाता नम्बर सहित नयाँ चेक बुक जारी गर्नेछ ।

के हालको ATM/डेबिट/क्रेडिट कार्ड काम गर्छ वा फेरबदल गर्नुपर्छ?
पूर्व बैंक अफ काठमाडौं लिमिटेडद्वारा जारी गरिएको तपाईंको हालको ATM/डेबिट/क्रेडिट कार्ड को म्याद नसकिए सम्म प्रयोग गर्न सक्नुहुन्छ । यदि तपाईंलाई कार्ड सेवासम्बन्धी कुनै सहयोग आवश्यक छ भने, कृपया ebanking@gibl.com.np and card@gibl.com.np

मेरो खातामा लागू गरिएका स्ट्यान्डिङ्ग इन्स्ट्रक्सनहरूको के हुन्छ?
तपाईंको खातामा लागू गरिएका हालका स्ट्यान्डिङ्ग इन्स्ट्रक्सनहरू यथावत् जारी रहनेछन्।

मैले लिएको लकर भएको शाखा बन्द भएमा लकरको के हुन्छ?
तपाईंको लकर सेवा यथावत् जारी रहनेछ। तर यदि पूर्व बैंक अफ काठमाडौंको शाखा बन्द गरिएको छ भने, सो शाखालाई नजिकैको कुनै अन्य शाखामा सारिएको वा मर्ज गरिएको हुन्छ त्यसैले नजिकैको शाखमा गई थप जानकारी समेत लिन सक्नुहुनेछ ।

मेरो हालको मोबाइल / इन्टरनेट बैंकिङ के हुन्छ?
बैंक अफ काठमाडौं (BOK) को पुरानो मोबाइल बैंकिङ एप सञ्चालनमा नरहने हुँदा, कृपया “Global Smart Plus” एप्लिकेशन आफ्नो मोबाइलको App Store / Play Store बाट डाउनलोड गर्नुहोस्। त्यसपछि, तपाईंले आफ्नो BOK मोबाइल एप प्रयोग गर्ने युजरनेम र पासवर्डबाट नै लगइन गर्न सक्नुहुन्छ। यदि पासवर्ड वा पिन बिर्सनु भएको छ भने, एपमा रहेको “Forgot Password” विकल्प प्रयोग गरी नयाँ सेट समेत गर्न सक्नुहुन्छ। डाउनलोड लिंक: https://rebrand.ly/smart-plus
BOK को इन्टरनेट बैंकिङ अब “Global Online” मा रूपान्तरण भएको हुँदा BOK रिटेल इन्टरनेट बैंकिङ मा लगइन गर्न चाहने ग्राहकहरूले अनिवार्य रूपमा पहिले Global Smart Plus मोबाइल बैंकिङ एप सक्रिय गरी लगइन गर्नुपर्नेछ।
यदि तपाईंलाई मोबाइल वा इन्टरनेट बैंकिङ सेवा दर्ता/सक्रिय गर्न सहयोग चाहिएको छ भने, तल दिइएको सम्पर्कमा सम्पर्क गर्नुहोस्: ebanking@gibl.com.np.

म BOK को व्यापारी (Merchant) को रूपमा आफ्नो व्यवसायमा QR कोड सेवा प्रयोग गरिरहेको छु। के यही QR कोड नयाँ कारोबारहरूमा पनि प्रयोग गर्न सकिन्छ?
तपाईंले पहिले प्रयोग गर्दै आएको QR कोडबाट नै ग्राहकहरूबाट भुक्तानी स्वीकार गर्न सक्नुहुन्छ।

के मर्जरपछि मैले फेरि KYC विवरण पेश गर्नुपर्दछ?
यदि तपाईंको खाता KYC अद्यावधिक नभएकै कारण निष्क्रिय (deactivated) भएको छ भने मात्र तपाईंले KYC विवरण पुनः अपडेट गर्नुपर्ने हुन्छ। अन्यथा, फेरि विवरण दिनुपर्ने छैन।

के DEMAT खाताको कारोबारमा केही असर पर्छ?
DEMAT सेवा तथा कारोबारहरूमा कुनै असर पर्दैन। यद्यपि, यदि तपाईंले बैंक अफ काठमाडौं लिमिटेड (BOK) बाट CRN दर्ता गर्नुभएको थियो भने, तपाईंको CRN र खाता नम्बर परिवर्तन हुनेछ। आगामी आईपीओमा आवेदन गर्दा नयाँ खाता नम्बर देखिनेछ र नयाँ CRN पनि त्यही नयाँ खाता नम्बरकै आधारमा हुनेछ ।

कुनै जिज्ञासा, गुनासो वा सहयोग आवश्यक परेमा कसलाई सम्पर्क गर्ने?
जिज्ञासा वा गुनासो भएमा नजिकको शाखामा सम्पर्क गर्न सक्नुहुन्छ, वा हाम्रा ७७ वटै जिल्लाहरुमा विस्तार भएका कुनै पनि शाखामा फोन गरी कुरा गर्न सक्नुहुन्छ। शाखाहरूका सम्पर्क नम्बरहरू बैंकको वेबसाइट www.globalimebank.com मा उपलब्ध छन्।

मेरो खाता दुबै बैंकहरूमा (BOK र Global IME Bank) छ र अहिले कुनै पनि मोबाइल बैंकिङ एप चल्न सकेको छैन। के गर्ने?
यदि तपाईंको मोबाइल नम्बर दुबै बैंक (Global IME र पूर्व BOK) मा एउटै Mobile Banking प्रयोगकर्ताका रूपमा दर्ता भएको छ भने, यस्तो अवस्थामा लगइन गर्दा समस्या आउन सक्छ। यस्तो समस्या समाधान गर्न, तपाईंले तीमध्ये कुनै एक बचत खाता बन्द गर्नुपर्ने हुन्छ।
खाता बन्द गर्नका लागि नजिकको शाखामा सम्पर्क गर्नुहोस्, कुनै एक खाता बन्द गर्नुहोस्, र बाँकी सक्रिय खाताको मोबाइल बैंकिङ सेवा सक्रिय गरिदिन शाखालाई अनुरोध गर्नुहोस्।

के म BOK मोबाइल एपमार्फत कारोबार गर्न सक्छु?
अब तपाईंले BOK मोबाइल एप प्रयोग गर्दा त्यसमा Global Smart Plus मोबाइल बैंकिङ एप डाउनलोड गर्न सुझाव दिने सन्देश देखिनेछ। तपाईंले उक्त एप App Store वा Play Store बाट डाउनलोड गर्नुपर्नेछ। BOK मोबाइल एपमा प्रयोग गरिएको युजरनेम, पासवर्ड र ट्रान्ज्याक्सन पिन Global IME Bank को नयाँ Global Smart Plus एपमा पनि मान्य हुनेछ। डाउनलोड लिंक: https://rebrand.ly/smart-plus

मोबाइल बैंकिङमा दर्ता नगरेका वा पासवर्ड बिर्सेका ग्राहकहरूले के गर्नुपर्दछ ?
• तपाईहरुले Global Smart Plus एपमार्फत आफैंले नयाँ पासवर्ड सेट गर्न वा आफैं दर्ता गर्न सक्नुहुन्छ।
• मोबाइल बैंकिङमा दर्ता गर्न आवश्यक विवरणहरू यसप्रकार छन्:
a. खाता खोल्दा प्रयोग गरिएको मोबाइल नम्बर
b. खाता नम्बर (BOK वा नयाँ Global IME Bank जुनसुकै प्रयोग गर्न सकिन्छ)
c. खाता खोल्दा दिइएको नागरिकताको नम्बर वा जन्म मिति (जुन विवरण दिइएको थियो त्यही प्रयोग गर्नुपर्ने)
यसरी, कुनै शाखा जानु नगईकन पनि एपमार्फत सजिलै सेवा पुनः सुचारु गर्न सक्नुहुन्छ ।

मैले Global Smart Plus मा कारोबार सीमासम्बन्धी सन्देश प्राप्त गरेँ। के गर्नु पर्छ?
• दर्ता गर्दा ग्राहकलाई न्यूनतम कारोबार सीमा (transaction limit) प्रदान गरिएको हुन्छ, यदि यो सीमा तपाईंको आवश्यकता अनुसार पर्याप्त छैन भने, तपाईं नजिकको शाखामा सम्पर्क गनुपर्दछ वा हाम्रो Card & Tech Based Payment Support Team लाई निम्न नम्बरमा सम्पर्क गर्नसक्नुहुन्छ:
• 📞 977-1-4226247 / 977-1-4228671
त्यसपछि तपाईंको कारोबार सीमामा आवश्यक अनुसार वृद्धि गर्न सकिनेछ।

FAQs

बारम्बार सोधिने प्रश्नहरू